गठबन्धनको समृद्धि हप्तैपिच्छे मूल्यवृद्धि- नारायण मरासिनी -Update

 

सांसद नारायणप्रसाद मरासीनीले सरकारको नीति तथा कार्यक्रम निरस भएको बताएका छन्। नीति तथा कार्यक्रममाथिको छलफलमा भाग लिँदै सांसद मरासिनीले विकास र समृद्धिको सवालमा नीति तथा कार्यक्रम लाचार रहेको बताए।

‘किसान तथा गरिबहरुको स्तर उठाउने सवालमा नीति तथा कार्यक्रम बोलेको छैन। बढ्दो बेरोजगारी र युवाहरुलाई विदेश पलायन हुनबाट रोक्ने कुनै योजना छैन। पिछडिएको वर्गको उत्थानका निम्ति सरकारको ठोस कार्यक्रम छैन। अनावश्यक संरचना निर्माण गरेर मुलुकलाई थप व्ययभार बढाउने सरकारको नीति तथा कार्यक्रम लक्षित छ।’

नीति कार्यक्रममा न कुनै राम्रो सपना रहेको, न कुनै विपनामा रुपान्तरण गर्ने माहोल रहेको उनको भनाइ छ। ‘न कुनै रंग छ न कुनै ढंग छ। जनताहरुले भनेका छन् गठबन्धनको समृद्धि हप्तैपिच्छे मूल्यवृद्धि,’ उनले भने।